विगत लामो समयदेखि संगीतमा केही गर्ने अठोटका साथ संघर्ष गर्दै आएका गायक तथा सँगीतकार सुनिल राई गीत-सँगीतमै निरन्तर लागिरहेका छन् । ०७३ सालमा एकल स्वरमा प्रकाशित लोकपप शैलीको एल्बमबाट चर्चामा आएपछि संगीत कर्ममा व्यस्त रहँदै आएका सुनिलले त्यसपछिका दिनहरुमा विभिन्न एल्बम अनि चलचित्रमा स्वर दिईसकेका छन् भने अहिले दर्जनौ गीतको सँगीतमा व्यस्त रहेको कुरा उनले जानकारी गराए । राजधानीमा कठिन संघर्षका चरणहरू पार गरेर आजको अवस्थासम्म आईपुग्दा समयले धेरै कुरा सिकाएको बताउने झापा बाहुनडाँगीका गायक/संगीतकार राईले हालसम्म स्वर/संगीत गरी ४ दर्जन माथि गीतमा आफ्नो प्रतिभा पोखिसकेको कुरा जानकारी गराएका छन् l अझै धेरै सिक्न र गर्न बाँकी रहेको बताउने सर्जक/कलाकार सुनिल राई निरन्तर संगीत कर्ममा लागिरहने बताउँछन् l
