नेपाल पर्यटन बोर्डले आन्तरिक र वाह्य पर्यटन प्रवर्धनका लागि डिजिटल प्रविधिबाट पनि प्रचार-प्रसार अभियानलाई अगाडि बढाउनेभएको छ l हालै बोर्डको भृकुटीमण्डपस्थित सभा हलमा पत्रकार सम्मेलनको आयोजना गरी बोर्डले सो कुरा सार्वजनिक गरेको हो l विश्व बजार डिजिटलमय बन्दै गईरहेको परिप्रेक्ष्यमा परम्परात्मक शैलीबाट भन्दा डिजिटल माध्यमबाट प्रचार-प्रसार गर्दा कम खर्चमा कैयौंगुणा बढी प्रभावकारी हुने देखिएकोले बोर्डले आफ्नै यु-ट्युब च्यानल संचालनमा ल्याएर युग सुहाउँदो प्रचार शैली अख्तियार गरेको कुरा पत्रकार सम्मेलनमा जानकारी गराइएको छ l सो अवसरमा बोर्डद्वारा निर्मित कीर्तिपुरको पर्यटकीय महत्व दर्शाउने ‘गन्तव्य भिडियो’ र मुस्तांगलाई चिनाउने म्युजिक भिडियो प्रदर्शन गरिएको थियो l मन्दिप गौतमको लेखन तथा निर्देशनमा तयार भएको कीर्तिपुर सम्बन्धी भिडियोमा एक बिदेशी सहित नेपाली कलाकारहरु सविन बास्तोला र रजनी खत्रीले अभिनय गरेका छन् भने ‘हाम्रो मुस्तांग’ शीर्षकको गीतको भिडियोमा मुस्तांगका रमणीय एवं पर्यटकीय महत्वका अधिकांश स्थानहरु समेटिएका छन् l बिपिन किरणको शब्दरचना, मिलन मोक्तानको सङ्गीत त टिका प्रसाईंको स्वर रहेको सो गीतको भिडियो बादल थकालीको परिकल्पना एवं निरज थकाली र असिम शेर्पाको निर्माणमा तयार भएको हो l भिडियोमा पोखरादेखि मुस्तांगसम्मका पर्यटकीय क्षेत्रलाई सुन्दर ढङ्गले देखाईएको छ l कार्यक्रममा बोर्डले चाँदै सातै प्रदेशको मौलिकता झल्कने र पर्यटकीय गन्तब्यको महत्व बोकेका छुट्टाछुट्टै भिडियो तयार पारी यु-ट्युब र फेसबुक जस्ता लोकप्रिय सामाजिक सञ्जाल मार्फत सार्वजनिक गर्ने तयारी भईरहेको कुरा पनि बोर्डका निमित्त कार्यकारी निर्देशक हिक्मत सिंह ऐरले पत्रकारहरुलाई जानकारी गराएका थिए l
पर्यटन प्रवर्धनका लागि नयाँ शैलीमा बोर्ड
July 31, 2018
362 Views
2 Min Read
सम्बन्धित खबरहरु
योग्यता, क्षमता र लगनशीलताका पर्याय एआईजी सन्दीप भण्डारी
August 21, 2023
यसरी तयार भएको थियो ‘ग्रेटर नेपाल’को नक्सा
June 22, 2023
युवा ज्योतिष एवं वास्तुशास्त्री अनिलको सङ्गीत मोह
April 26, 2023
डाक्टर भगवान कोइराला सम्मानित
February 23, 2023
जहाज दुर्घटनाको कारण यकिन गर्न परिवर्तन नेपालको आग्रह
January 15, 2023
टमाटर क्रान्तिका महानायक डा. केदार बुढाथोकी
July 16, 2022