-तुलसी गिरी ‘भावुक’
प्रसिद्ध सर्जक राजकुमार बगरको सङ्गीत तथा सीडी विजय अधिकारी र सिम्रन परियारको स्वरमा रहेको गीत ‘कत्ति माया’ को भिडिओ सार्वजनिक भएको छ l राज यात्री लम्सालले रचना गरेको यस गीतमा कमल सौरागको सङ्गीत संयोजन रहेको छ भने मिक्सिङ/माष्टरिङ सङ्गीतकार बगर स्वयमले नै गरेका छन् l गीतको भिडिओ २ दिन अघि Raj Yatri नामक युट्युब च्यानलबाट डिजिटल बजारमा आएको हो l
प्रहिल कार्कीको निर्देशनमा छायाङ्कन भएको यस म्युजिक भिडिओका छायाकार उत्तम हुमागाईं हुन् भने दृश्य तथा रङ्ग सम्पादन माधव बेल्बासेले गरेका छन् l भिडिओमा निक्स शर्मा, बिना राउत, सीडी बिजय अधिकारी र अनिषा न्यौपानेले प्रमुख कलाकारको रुपमा अभिनय गरेका छन् l भिडिओले स्वदेशमै बसेर दु:ख-सुख जीविकोपार्जन गरौँ तर धेरै सम्पतिको सपना बोकेर परदेशतिर नलागौं भन्ने सन्देश दिएको छ l
