छाडिजाने मायालुको यादमा सन्तोष दुमी

-तुलसी गिरी ‘भावुक’

लोकप्रिय गायक सन्तोष दुमी राईले आफ्नै सङ्गीत तथा स्वरमा ‘स्वार्थ लुटेपछि’ गीतको लिरिकल भिडिओ सार्वजनिक गरेका छन् l उक्त म्युजिक भिडिओ अङ्ग्रेजी नयाँ वर्षको दिनमा Nishan Kirat Official युट्युब च्यानलबाट बजारमा आएको हो l

निशान दुमी राईले रचना गरेको यो गीत वि^योगान्त भावमा रहेको छ l आफ्नो स्वार्थ पूरा भएपछि अर्कैसँग नाता गाँसेकी प्रेयशीको बारेमा लेखिएको यो गीतलाई शव्दको भाव अनुसार गायक तथा सङ्गीतकार सन्तोषले श्रुतिमाधुर्य बनाएका छन् l देबेश राईको म्युजिक एरेन्ज र राजु कार्कीको मिक्सिङ् रहेको यस गीतको लिरिकल भिडिओ गङ्गाराम राईको ग्राफिक्समा तयार भएको हो l

गायक/सङ्गीतकार सन्तोषका ‘घामले आँखा खोलिसक्यो’, ‘रातभरि जून रुँदा’, ‘मुस्कुराई बस तिमी’, ‘निलो आकाश ढाकेर’, ‘सुलाम सिंसो’ ( दुमी गीत ), ‘पर्खि बस्नु है मलाई’, ‘बादलुको पर्दाभित्र’, ‘ईंकी तुम्लो रिदुम् हदुम्’ ( दुमी गीत ), मैले के भूल गरें र’, ‘नुगोबिताम नु आते आस्ता’ ( दुमी गीत ), ‘के नै रैछ र जिन्दगी’, ‘साल्पै राजा’, ‘एयर बस फोर्टी’ जस्ता गीत लोकप्रिय रहेका छन् l