आफ्नै मनोविज्ञानमा लेखिएको गीतको भिडिओमा सम्राट

-तुलसी गिरी ‘भावुक’

लामो समय अघिदेखि अमेरिकालाई कर्मथलो बनाईरहेका भए पनि नेपाली सङ्गीत एवं कलाको विकाश र विस्तारमा निरन्तर क्रियाशील रहेका सर्जक सुमन दाहालद्वारा निर्देशित म्युजिक भिडिओ ‘अस्ति भन्दा’ सार्वजनिक भएको छ l भिडिओमा कलिलो उमेरदेखि नै म्युजिक भिडिओ तथा चलचित्रमा अभिनय गरेर चर्चामा रहेका कलाकार सम्राट दाहालले अभिनय गरेका छन् l आम गीत भन्दा फरक र अनौठो विषयवस्तुमा निर्देशक सुमन स्वयंले लेखेको यस गीतमा एउटा बालक वयस्क हुँदै जाँदा आफूमा परिवर्तन भैरहेको शारीरिक र मानसिक परिवर्तनलाई उसले कसरी मससुस गर्छ भन्ने मनोविज्ञानलाई उजागर पारिएको छ l

गीतकार सुमन र भिडिओका मोडल सम्राट बाबुछोरा हुन् भने बाल अवस्थाबाट युवा अवस्थामा पुग्दैगरेको आफ्नै छोराको अस्ति भन्दा हिजो र हिजो भन्दा आज भईरहेको शारीरिक र मानसिक परिवर्तनलाई सुमनले सुन्दर ढङ्गमा शव्दमा कुँदेका छन् l

गीतमा लोकप्रिय युवा सङ्गीतकार दीपक शर्माको सङ्गीत, सम्राट न्यौपानेको सङ्गीत संयोजन र करन परियारको स्वर रहेको छ भने भिडिओमा पबन गौतम र Charles F Moreland ले सिनेमाटोग्राफी एवं भूपेन्द्र अधिकारीले सम्पादन गरेका छन् l
भिडिओ Samrat Creation युट्युब च्यानलबाट बजारमा आएको हो l