वरिष्ठ गीतकार डा. कृष्णहरि बरालले एक समारोहबीच वरिष्ठ साहित्यकार सुरेन्द्र महर्जन ‘अमर’ को रचनामा रहेको एकतिसौं कृति गीति एल्बम ‘सपना’ को लोकार्पण गरेका छन् l एल्बम सार्वजनिक गर्दै डा. बरालले विगत लामो समयदेखि साहित्य सृजनामा लागेका सुरेन्द्र महर्जन ‘अमर’ को निरन्तरको सृजनाले समग्र साहित्य र गीत, सङ्गीत क्षेत्र अझ बलियो भएको बताए l गीत लेखन क्षेत्रमा सुरेन्द्र महर्जन ‘अमर’ को योगदानको प्रशंसा गर्दै डा. बरालले विगतका एल्बमहरूले जस्तै यस एल्बमले पनि स्रोताहरूको माया पाउने विश्वास व्यक्त गरेका छन् ।
‘सपना’ एल्बममा रहेको ‘आकाश छुने सपना’ बोलको शीर्ष गीतमा मेलिना राई र मणि सुन्दर लिम्बूको युगल स्वर तथा सङ्गीत/म्युजिक एरेन्जर पावल चाम्लिङ राईको रहेको छ । दोस्रो गीत ‘मायाले हँसाउँछ’ मा पनि गायिका मेलिना राई र विक्रम चाम्लिङको युगल स्वर रहेको छ भने यसमा सङ्गीत/म्युजिक एजेन्जर राम कार्कीको रहेको छ । यसैगरी तेस्रो गीत ‘गल्ती के भयो म बाट’ मा स्वर/सङ्गीत चिरञ्जीवी भण्डारीको र म्युजिक एरेन्जर आशिष लामाको रहेको छ । एल्बमको चौथो गीत ‘सोचें बाँच्ने आधार’ मा सरिता प्रजापतिको स्वर तथा सङ्गीत/म्युजिक एरेन्जर पुष्कर सुनुवारको रहेको छ । यसैगरी पाँचौ एवं अन्तिम गीत ‘तिम्रै साथ हिँडेको देख्छु’ मा प्रताप दास र बुनु उप्रेतीको स्वर रहेको छ भने सङ्गीत सूर्य कमल राईको र म्युजिक एरेन्जर संजय हमालको रहेको छ ।
