-तुलसी गिरी ‘भावुक’
अधुरो प्रेमकथामा आधारित म्युजिक भिडिओ ‘झाडुवाली’ सार्वजनिक भएको छ l फिल्मी शैलीको प्रेमकथामा निर्माण गरिएको यस भिडिओमा झाडु लगाउने युवतीसँग सानो बाइक दुर्घटनामा एक युवकको भेट हुन्छ l न्यायप्रेमी र निडर स्वभावकी युवतीले पहिलो भेटमा युवकप्रति आक्रोश पोखेपनि अन्तत: उनीहरु एक अर्काप्रति आकर्षित हुन्छन् र प्रेमको बिजारोपण हुन्छ l तथापि सो प्रेमले सार्थक मोड लिन नपाउँदै युवतीको बाइक दुर्घटनामा नै निधन हुन्छ l युवतीको निधन भएपछि युवकलाई परेको चोट र उसको पीडा नै गीतको मूल भाव हो l
किस्ना आचार्य ‘रोशनी’को शब्द, ज्योतिप्रकाशको सङ्गीत र मनोजराजको स्वर रहेको यस गीतमा सुदिप सागरको सङ्गीत संयोजन र श्यामश्वेत रसाईलीको मिक्सिङ / माष्टरिङ रहेको छ भने भिडिओ गोविन्द अञ्जान र दीपेन्द्र प्रकाश के.सी. को संयुक्त निर्देशनमा निर्माण भएको हो l जसमा मुकेश हुमागाईंको सिनेम्याटोग्राफी र प्रवीण भट्टको सम्पादन रहेको छ l भिडिओमा इस्तु कार्की र धिरेन्द्र शाहीले मुख्य कलाकारको रुपमा र राजु बस्याल, कृति पन्त, शव्दिका सिलवाल, राधिका सिलवाल र सुप्रिया हमालले सहायक कलाकारको रुपमा अभिनय गरेका छन् l भिडिओ २ दिन अघि Creative Khabar नामक यु ट्युब च्यानलमा अपलोड भएको छ l
