-तुलसी गिरी ‘भावुक’
गीतकार नमस्तेलाल श्रेष्ठको शब्दरचनामा रहेको मानवीय भाव बोकेको गीत ‘हाँस्न हँसाउन’ को भिडिओ सार्वजनिक भएको छ l राजु विश्वकर्माको सङ्गीत र मनोहर सुनामको सङ्गीत संयोजन रहेको यस गीतमा विशिष्ट कलाकार मदनकृष्ण श्रेष्ठ र लोकप्रिय गायिका रिता के.सी. को स्वर रहेको छ l
केही घण्टा अघि मात्र गायिका रिताकै अफिसियल युट्युब च्यानल Rita K C Official बाट डिजिटल बजारमा आएको यस भिडिओमा गीतकार नमस्तेलाल र गायिका के. सी. लाई अभिनयमा देख्न सकिन्छ l राजु विश्वकर्माको निर्देशन रहेको यस भिडिओमा सुरेन्द्र श्रेष्ठको सिनेम्याटोग्राफी र सम्पादन रहेको छ l गीतको रेकर्डिङ / मिक्सिङ भोला पौडेलले गरेका हुन् l
मानवीय भाव बोकेको यस गीतले सकारात्मक सोच र आचरण, दया, सेवा र सत्कर्मका लागि आम मानवजातिमा सन्देश प्रवाह गरेको छ l
