११ बर्षिय बाल गायिका समृद्धि तिमल्सिनाको स्वरमा रहेको पहिलो गजल ‘भए पनि अफगान’ को भिडियो युटुव मार्फत सार्वजनिक भएको छ। लोकराज अधिकारीको शब्दरचना रहेको यस गजलमा गोविन्द मधुर अचार्यले सङ्गीत तथा सङ्गीत संयोजन गरेका छन् । यसअघि समृद्धिको स्वरमा २ वटा गीत बजारमा आईसकेका छन् भने यो उनको स्वरको तेस्रो गीत र पहिलो गजल हो l गीतमा अफगान, ईरान र ईराक जस्ता देश नेपालीहरुको रहर नभई बाध्यता भएको र विदेशी भूमिमा भएपनि छातीभरि स्वदेशकै तस्बीर रहने कुरा मार्मिक ढङ्गमा व्यक्त गरिएको छ l
सुर सङ्गीत डिजिटल रेकर्डिङ स्टुडियो काठमाडैंमा रेकर्ड गरिएको यस गीतका रेकर्डिस्ट कर्ण सन्जेल हुन् । गीतमा ध्वनि सम्पादन तथा मास्टरिङ सन्तोष पौडेलले गरेका छन् । चक्रपाणि तिमल्सिनाको निर्देशनमा निर्माण भएको यस गीतको भिडियोमा इमान बस्नेतको छायाङ्कन र किशोर खनालको सम्पादन रहेको छ l भिडियो चक्रपाणि तिमल्सिना नामक युट्युब च्यानलमा हेर्न सकिन्छ l
Video Link
