नवोदित गायिका सुष्मा तामाङले गाएको पहिलो गीत ‘माया पिरती लाउन’ को भिडियो सार्वजनिक भएको छ । हालै राजधानीमा एक औपचारिक कार्यक्रमको आयोजना गरी गीत सार्वजनिक गरिएको थियो भने भिडियो सार्वजनिक भए लगत्तै युट्युबमा समेत अपलोड भएको छ l
गायिका सुष्माकै शब्दरचना रहेको सो गीतमा सन्तोष सुब्बाको संगीत छ । दिलिप ओखेडाले निर्देशन गरेको सो भिडियोमा गायिका सुष्मा र निर्देशक दिलिपलाई फिचरिङ गरिएको छ भने पेमा तामाङको लगानीमा निर्माण भएको यस भिडियोलाई रामेश्वर कार्कीले खिचेका हुन् l १० कक्षामा अध्ययनरत गायिका सुष्माले भिडियो सार्वजनिक समारोहमा आफूलाई सानैदेखि गायिका बन्ने चाहना भएको र अहिले आएर पहिलो गीत सार्वजनिक गर्न पाउँदा अत्यन्तै खुशी लागेको कुरा बताएकी थिईन् । भिडियो प्रिमियर कार्यक्रमका प्रमुख अतिथि चलचित्र निर्देशक ऋषि लामिछानेले सुष्माको गायन कलाको तारिफ गरे । उनले सुष्मा जस्ता नवप्रतिभाले नेपाली गीतसँगीतको क्षेत्रलाई अझ उचाइमा पुर्याउने विश्वास ब्यक्त गरे ।
बलिउड मोसन डान्स फिल्म प्रालिको प्रस्तुति रहेको यस भिडियोलाई गीतको भाव अनुसार सुन्दर बनाउने प्रयास गरिएको निर्देशक तथा मोडल दिलिपले बताएका छन् । गायिका सुष्मा स्रोता – दर्शकले आफ्नो गीत तथा भिडियो मन पराउने कुराप्रति विश्वश्त रहेकी छिन् ।
