- तुलसी गिरी ‘भावुक’
गायक रमेश पाठकले भरखरै लोकपप शैलीको रोमान्टिक गीत ‘के गर्ने के गर्ने’ को भिडियो सार्वजनिक गरेका छन् l म्युजिक व्यवसायी समेत रहेका पाठकले आफ्नै कम्पनीको युट्युब च्यानल genius Music बाट सार्वजनिक गरेको यो भिडियोले अपलोड भएको ५ दिनमै ५ लाखभन्दा बढी भ्युज पाईसकेको छ l जुन एउटा अत्यन्तै उत्साहजनक सफलता हो l युवा भावनालाई समेटेर तयार पारिएको यस गीतमा एक अर्कालाई असाध्यै माया गर्ने एकजोडी प्रेमी छन् l केटीको घरमा विहेको कुरा हुन थालेको छ भने केटो बेरोजगार भएकोले छिट्टै बिहे गर्ने मूडमा छैन l यही द्विविधाको परिस्थितिमा दुबैजना छन् l गीतमा युवती भन्छिन्-‘ के गर्ने के गर्ने घरमा कुरा गर्छन् बिहे गर्ने’ l युवकलाई पनि निर्णय गर्न गाह्रो भईरहेको छ l युवक भन्छन् -‘ के गर्ने के गर्ने माया भन्छिन् अहिले बिहे गर्ने’ l शव्द, सङ्गीत र स्वर जति मीठो छ गीतको भिडियो पनि त्यत्तिकै रोमान्चक बनेको छ l
प्राय: आफ्नै शब्द/सङ्गीतमा स्वर दिंदै आएका गायक रमेश
पाठकले यो गीत पनि आफ्नै शब्द र सङ्गीतमा गाएका हुन् l गीतमा उदयराज पौडेलको सङ्गीत संयोजन रहेको छ l यस युगल गीतमा उनलाई अहिलेकी सर्वाधिक लोकप्रिय गायिका मेलिना राईले साथ दिएकी छिन् l लामो समयदेखि म्युजिक भिडियो निर्देशनमा सक्रिय शिव बि. क. को कोरियोग्राफी तथा निर्देशनमा निर्माण भएको यो भिडियो ज्ञानेन्द्र शर्माले छायाङ्कन गरेका हुन् भने पवन सुस्लिङको सम्पादन रहेको छ l भिडियोमा पूजा शर्मा र आकाश श्रेष्ठले मुख्य भूमिकामा अभिनय तथा नृत्य गरेका छन् l
भिडियो लिङ्क:
