कृष्ण कटेलको तीजगीत ‘यो तीजमा माइतीकोआँगन’ सार्वजनिक

प्रतिभाशाली युवा सर्जक/कलाकार कृष्ण कटेलको शब्द तथा सङ्गीतमा रहेको तीजगीत ‘यो तीजमा माइतीको आँगन’ को भिडियो हालै ‘मेलोडी नेपाल’ को युट्युब च्यानलबाट सार्वजनिक भएको छ l साँस्कृतिक मर्म, नारी मनका स्वाभाविक पर्वजन्य भाव, सन्देश अनि केही रहर र चाहनाहरु बोकेको प्रस्तुत तीजगीतको सङ्गीत पनि उत्तिकै मीठो लयमा रहेको छ l जसलाई श्रेया नेपालको स्वरले सुनिरहुँ झैं बनाएको छ l

दीपक तामाङको निर्देशन र सम्पादनमा तयार भएको यस गीतको भिडियोमा शृङ्गा कोईराला, पशाङ्ग शेर्पा लगायतका कलाकारहरुले नृत्य गरेका छन् l

०७३ सालमा प्रथमपटक ‘धरानको बजारमा’ बोलको गीत रेकर्ड गरी सङ्गीत क्षेत्रमा औपचारिक रुपमा प्रवेश गरेका नेचा, वेतघारी-६, सोलुखुम्बूका प्रतिभा कृष्णले यसअघि ५ गीत संग्रहित एकल शब्द, सङ्गीत र स्वरको एल्बम ‘अक्षर’ सार्वजनिक गरेका थिए l रेडियो नेपालबाट संचालित ३ महिने गायन प्रशिक्षण पूरा गरेका कृष्ण यतिबेला पूर्ण रुपमा सङ्गीतमै समर्पित रहेका छन् भने शब्द रचना, सङ्गीत र गायन तीनै विधालाई समानान्तर ढंगमा अगाडि लिएर जाने उनको योजना रहेको छ l
https://www.youtube.com/watch?v=jWbNvxJT5w0