बिमला र नरहरिको सहकार्यमा टुटेको सम्बन्ध र दुखेको मन ‘घर छोडेको मान्छे’

-तुलसी गिरी ‘भावुक’

प्रसिद्ध सङ्गीतकार/गायक नरहरि प्रेमीको सङ्गीत तथा स्वरमा रहेको गीत घर छोडेको मान्छे को भिडिओ बजारमा आएको छ l गीतकार बिमला हुमागाईं ‘बोधश्री’ ले रचना गरेको यस गीतमा पुष्कर खातीको म्युजिक एरेन्ज, मिक्सिङ र माष्टरिङ रहेको छ भने भिडिओ BODHA ONLINE TV नामक युट्युब च्यानलबाट दुईदिन अघि डिजिटल बजारमा आएको हो l

अनामनगर स्थित FINE TUNE RECORDING स्टुडियोमा छायाङ्कन गरिएको यस म्युजिक भिडिओमा मुकेश हुमागाईंको सिनेम्याटोग्राफी, विनोद बमको दृश्य तथा रङ्ग सम्पादन रहेको छ l साङ्ग्रिला क्रिएशनको पोष्ट प्रोडक्समा निर्मित यो म्युजिक भिडिओ गीतकार बिमलाले नै निर्देशन गरेकी हुन् l

वियोगान्त कथा प्रस्तुत गरिएको यस गीतमा टुटेको मनको व्यथा र त्यस परिस्थितिबाट उत्पन्न दर्दनाक पीडाहरु पोखिएका छन् l हजारौं प्रयास गर्दागर्दै पनि भताभुङ्ग भएको सम्बन्धभित्रका गुनासाहरु अनि वियोगको अवस्थामा पनि भुल्न नसकेको यथार्थ गीतले बोलेको छ l गीतको भावलाई सङ्गीतकार/गायक नरहरि प्रेमीले जीवन्त बनाउने प्रयास गरेका छन् l