घाँटीदेखि शरिरको तल्लो भागले काम नगर्ने गायक अमिर बम्जनको ‘माया भन्ने’ बोलको गीतको भिडियो सार्वजनिक भएको छ । दिनेश थपलियाको शब्दरचना रहेको यस गीतमा वसन्त सापकोटाको सङ्गीतमा रहेको छ । चित्रकार समेत रहेका गायक बम्जन मुखैले चित्र कोर्ने गर्दछन् । गीतको भिडियोमा नेपालको चर्चित डान्सग्रुप भिमफेदी गाइज र अभिनेत्री रिमा विश्वकर्मालाई फिचरिङ गरिएको छ । भिमफेदी गाइजका निर्मल लामाको कोरियोग्राफीमा निर्माण भएको यस भिडियोमा मन्टेश्वरीमा पढाउने शिक्षिकालाई पढ्न आउने विद्यार्थीले मन पराएको कुरा आकर्षक ढङ्गले प्रस्तुत गरिएको छ । भिडियोमा शिक्षिकाको भूमिका रिमा विश्वकर्माले निभाएकी छिन् ।
