नेपाल उत्तम मुभिज प्रालिको व्यानरमा निर्मित सिरियल ‘मिरा’ दर्शकमाझ आउने भएको छ । जीवनाथ गौतम (जीवन) को निर्देशन रहेको यो सिरियल यही ३० कात्तिक शुक्रबार साँझ ७ बजेदेखि दर्शकमाझ आउन लागेको हो । यो सिरियल मिरा अफिसियल युट्युब च्यानलमार्फत आउन लागेको हो ।
विनोद श्रेष्ठको कथा र अभिनय रहेको यस सिरियलमा सविन बास्तोला, सपना श्रेष्ठ, जनकराम न्यौपाने, मना महर्जन, राधिका राउत, आर बि कटवाल, स्वानिका बास्तोला, सविता थपलिया, गोपाल ढुंगाना, रोशनि राउत, अनिल कटवाल, आकृति सिटौला, अर्जुन कटवाल, नारायण राई, अनिता चौलागाईं, शोभा थपलिया, रीता सिटौला, सागर रावल, आकाश थपलिया, अर्जुन कटवाल, जीवन गौतम, कैलाश अधिकारी, गोकुल लामिछाने, जीविका गौतम, दीया राउतलगायत कलाकारको अभिनय छ ।
मौनता श्रेष्ठको पटकथा/संवाद रहेको यो सिरियलमा डम्बर राईको छायांकन, विक्रम शाक्यको सम्पादन, हिमाल श्रेष्ठको संगीत, शंकर घायल अधिकारीको पार्श्व गीत, निशु शर्मा पार्श्व गायिका र शंकर बरालको श्रृंगार छ ।
