साहित्यकार सुरेन्द्र महर्जन अमरको रचनामा सुमधुर स्वरकी धनी मेलिना राई र मणि सुन्दर लिम्बूको स्वरमा रहेको ‘आकाश छुने सपना देखेँ कल्पनामा उडेँ’ गीतको भिडिओ सार्वजनिक भएको छ । उक्त भिडिओ ओ.एस. आर. डिजिटलको अफिसियल च्यानलबाट सार्वजनिक भएको हो ।
भिडिओमा यशराज गराज र साक्षी लम्सालको बेजोड अभिनय रहेको छ । रोशन कुमारको निर्देशनमा तयार भएको उक्त भिडिओको सङ्गीत / सङ्गीत संयोजन पावल चाम्लिङ राईको रहेको छ भने क्यामरामा मुकेश हुमागाई र सम्पादनमा विनोद बम रहेका छन् । दर्शक, स्रोता एवं गीत सङ्गीतप्रेमी सबैलाई यस म्युजिक भिडिओले आनन्दको अनुभूति दिने र एकैछिन भएपनि दु:ख पीरबाट टाढा राख्ने कुरा भिडिओ निर्देशक रोशन कुमारले बताएका छन् ।
