-तुलसी गिरी ‘भावुक’
लोकप्रिय गायिका शान्तिश्री परियार र विजय सुनामको स्वरमा रहेको वियोगान्त भावको गीत ‘भाग्यमा छैनौ’ को भिडिओ सार्वजनिक भएको छ l सन्तोष पन्तको शब्दरचना, विजय सुनामको सङ्गीत, विनोद बाजुरालीको सङ्गीत संयोजन र खड्ग बाजुरालीको मिक्सिङ रहेको यो गीतको भिडिओ सोमबार Pashupati Music युट्युब च्यानल बाट डिजिटल बजारमा आएको हो l
सङ्गीत व्यावसायी शिवराज पौडेलले निर्माण गरेको यो म्युजिक भिडिओ विनोद भण्डारीको निर्देशनमा छायाङ्कन भएको हो भने भिडिओमा सारिका के. सी., शिशिर पौडेल र दीप काफ्लेले मुख्य कलाकारको रुपमा अभिनय गरेका छन् l जसमा करण चैसिरको सिनेम्याटोग्राफी र मनोज कार्कीको सम्पादन रहेको छ l
कथात्मक शैलीमा निर्माण गरिएको यस म्युजिक भिडिओमा आफ्नै घरमा काम गर्न बसेको युवकसँग प्रेममा परेकी युवती अर्थात भिडिओकी नायिकाले ईच्छा नहुँदा नहुँदै पनि अर्कै युवकसँग बिबाह गर्नुपरेको बाध्यात्मक अवस्था देखाईएको छ भने भिडिओको नायकले भने घर मालिकको आदेश बमोजिम आफ्नै प्रेमिकाको बिहेको कार्ड बाँड्दै हिँडेनुपरेको छ l समाजमा यदाकदा भईराख्ने घटनाको प्रतिविम्बको रुपमा आएको यस वियोगान्त म्युजिक भिडिओले आर्थिक असमानताको कारण प्रतिवाद गर्न नसक्दा कति प्रेमका कोपिलाहरू फक्रन नपाउँदै ओईलाईरहेका छन् भन्ने कुरा देखाएको छ l यथार्थपरक भावको यो भिडिओ गोधूली क्रिएशनको पोष्ट प्रोडक्शनमा तयार भएको हो l
