आगामी बैशाख २० मा रिलिज हुने तयारी भईरहेको चलचित्र ‘जिस्म’ को सिक्वेल ‘जिस्म २’ को ट्रेलर रिलिज गरिएको छ । चलचित्रको ट्रेलरमा फाइट र ग्ल्यामरलाई प्राथमिकताकासाथ देखाएको छ । खुलेआम पोर्न मुभी खेल्ने चाहना भएको बताउँदै आएकी अर्चना पनेरुलाई लियर निर्माण गरिएको कारणले पनि यस चलचित्रले करिब २ बर्ष अघि नै व्यापक चर्चा पाएको थियो l
राजु गिरीको लगानी रहेको यो चलचित्र इन्द्र जी.सी. ले निर्देशन गरेका हुन् भने सुरज कुँवरले छायाङ्कन गरेका छन् l यस चलचित्रबाट रमेश बिश्वकर्मा, नमिता खड्का र रेजिना भण्डारीले डेब्यु गर्दै छन् । चलचित्रमा अनिल राईको नृत्य निर्देशन र योगेश काजीको सङ्गीत रहेको छ । चलचित्रको कथा अनुसार भरपुर ग्ल्यामर दृश्यहरु समाबेश गरिएको निर्माता कुरा निर्माता गिरीले जानकारी गराएका छन् ।
