वसन्ती लामा र राज टाइगरको स्वरमा रहेको तीज गीत ‘सुनको चुराले’ सार्वजनिक भएको छ । सपना बानियाँको शब्द रचना, वसन्तीकै सङ्गीत, सुन्दर लामाको सङ्गीत संयोजन रहेको गीतको भिडिओ सार्वजनिक भएको हो । परम्परागत लोकधुन र आधुनिक भावनाको मिश्रण भएको यो गीत अहिले सामाजिक सञ्जालमा चर्चामा छ ।
‘माइत जाने कुरा थियो यसपालिको तीजमा, कहाँबाट छिरेउ बुढा तिमी बीचमा- ए सुनको चुराले, लौ दिक्कै पार्यौ बुढा तिम्रा कुराले’ जस्ता शव्दहरूले गीतलाई रमाइलो र व्यंग्यात्मक बनाएका छन् ।
आदित्य बुढाथोकीको निर्देशन, राहुल बराइलीको कोरियोग्राफी र मुकेश हुमागाईंको छायाङ्कन रहेको यस भिडिओमा दिक्पाल कार्की, राज टाइगर, सुषमा मगर, पुष्पा बिसुङ्खे लगायतको अभिनय र नृत्य रहेको छ । भिडिओ सदिक्षा फिल्मस युट्युब च्यानलमार्फत सार्वजनिक गरिएको हो । सार्वजनिक भएको छोटो समयमै भिडिओले दर्शकहरूको माया पाउन सफल भएको छ ।
