तिजको रमाइलो माहोल सुरु भइसकेको छ र यसै अवसरमा नयाँ तिज गीत ‘हरियो हरियो चुरि हरियो’ को भिडिओ सार्वजनिक भएको छ। गायक तथा मोडल राज सापकोटाको दमदार अभिनय र स्वरले सजिएको यो गीत हालै सार्वजनिक भएसँगै टिकटकमा चर्चा बटुल्न थालेको छ। यस गीतमा तेजश रेग्मी, राधिका हमाल र राज सापकोटाको स्वर रहेको छ भने तेजश रेग्मीकै शब्द र सङ्गीतले गीतलाई साङ्गीतिक रूपमा सशक्त बनाएको छ। सङ्गीत संयोजन, मिक्सिङ र मास्टरिङको जिम्मेवारी आकाश नेपालीले सम्हालेका छन्।
गीतको भिडिओ पक्ष पनि उत्तिकै आकर्षक छ। कोरियोग्राफर तथा निर्देशक शिव बिकले तिजको झल्को दिने दृश्य संयोजन गरेका छन्। सह-कोरियोग्राफर माधव श्रेष्ठले पनि भिडिओको प्रस्तुतिमा सशक्त रुपमा सिर्जनशीलता प्रस्तुत छन्। भिडिओमा तेजश रेग्मी, सारिका केसी, राज सापकोटा, सरिता दनकुटी र गणेश रेग्मीको अभिनय हेर्न सकिन्छ। विशेषतः राज सापकोटाको अभिनय र नृत्यले दर्शकको ध्यान खिच्न सफल भएको छ। भिडिओको छायाङ्कन दीपक गिरीले गरेका हुन् भने सम्पादन मिन रावलले गरेका छन्।
‘हरियो हरियो चुरि हरियो’ तिजको मौलिक संस्कृतिमा आधारित गीत हो, जसले नेपाली महिलाहरूको चाडपर्वमा लगाउने पहिरन, चुरा र भावनात्मक पक्षलाई उजागर गर्छ। गीतमा परम्परागत र आधुनिक शैलीको उत्कृष्ट संयोजन देख्न पाइन्छ। राज सापकोटा फिचर्ड यो गीत तेजश रेग्मी युट्युब च्यानलमा उपलब्ध छ ।
