-तुलसी गिरी ‘भावुक’
हिल्स होम थिएटर एण्ड प्रोडक्सनको प्रस्तुतिमा लोकप्रिय कलाकारद्वय विपिन घिमिरे र शिला विष्टको युगल स्वरमा रहेको प्रेमगीत ‘देउता चढ्छन् जिउमा’ को भिडिओ बजारमा आएको छ l आइतबार काठमाण्डौमा एक कार्यक्रमको आयोजना गरि भिडिओ सार्वजनिक गरिएको हो l
टेलि सिरियल, प्रहसन, नाटक र लोकनृत्यहरुको प्रशिक्षण/प्रदर्शन, म्युजिक भिडिओ, वृत्तचित्र निर्माण तथा प्रारम्भ खबर संचालन गर्ने उद्देश्यका साथ हालै एकीकृत भएका सत्कार मिडिया र हिल्स होम थिएटर एण्ड प्रोडक्सनको संयुक्त प्रयासमा यो म्युजिक भिडिओ निर्माण गरिएको कुरा थाहा भएको छ l
मदन थापाको शव्द, विपिन घिमिरेको सङ्गीत, पुरुषोत्तम सुवेदीको सङ्गीत संयोजन र गोविन्द सोनीको मिक्सिङ्/माष्टरिङ् रहेको यस गीतको भिडिओमा मदन थापा, निहारिका थापा, गोविन्द विश्वास र बिना बिश्वकर्माले नृत्य/अभिनय गरेका छन् l भिडिओ भगिरथ गाहाको कोरियोग्राफी एवं निर्देशनमा छायाङ्कन भएको हो l जसमा ओमप्रकाश अवस्थी (ईश्वर) को सिनेमाटोग्राफी र सम्पादन रहेको छ l गीत तथा भिडिओमा प्रेमी-प्रेमिका बीचको प्रेम र समर्पण भावलाई उजागर पारिएको छ l
