१५ बर्षीय गायिकाको तीजगीत

१५ बर्षीय गायिका सुदृष्टि राईको तीजगीत ‘तृतीया तिथीमा तीज वरिलै’ को भिडियो सार्वजनिक भएको छ l सुमन श्रापितको शब्दरचना, बी. बी. अनुरागीको सङ्गीत तथा सङ्गीत संयोजनमा तयार भएको यस गीतको भिडियोको कोरियोग्राफी मणिकमल राईले गरेका हुन् l अनामनगरस्थित एक क्याफेमा आयोजित नित्तान्त पारिवारिक जमघटबीच गीत सार्वजनिक गरिएको थियो l कार्यक्रममा गायिका सुदृष्टिका बुबा सुजन राई,आमा दीप्ता राई, संगीतकार एवं संगीत संयोजक बी. बी. अनुरागी र केही संचारकर्मीहरुको उपस्थिति रहेको थियो भने अनौपचारिक ढंगको सो कार्यक्रममा प्रस्तोता समाज नेपालका सीईओ नारायण कंडरियाले सहजकर्ताको भूमिका निर्वाह गरेका थिए l
०६७ सालमै श्रीपुरुष ढकालको शब्द र बी. बी. अनुरागीको संगीतमा गीत रेकर्ड गरिसकेकी उदियमान गायिका सुदृष्टिलाई समारोहमा संगीतकार अनुरागीले धेरै राम्रो सम्भावना भएकी गायिकाको रुपमा आफूले मूल्यांकन गरेको बताएका थिए l नृत्यमा समेत उत्तिकै पारङ्गत सुदृष्टि उनको गृह जिल्ला झापामा सन् २०१० मा आयोजित ‘लिटिल क्वीन’ की विजेता समेत हुन् l