भ्वाईस अफ नेपाल सिजन ३ को ब्याटल राउण्डबाट निकै चर्चा बटुल्न सफल भएकी पप गायिका सञ्जु मोक्तानको स्वरमा पहिलोपटक रेकर्ड भएको गीत माया कुरा सुनिदेऊ को भिडिओ यही भदौ ३१ गते { सेप्टेम्बर १६ तारिक } मा m3 media Nepal ( dhruba prasad amgai ) नामक युट्युब च्यानल मार्फत सार्वजनिक हुने भएको छ ।
गत जुन २१ मा रिलिज भएको ध्रुब प्रसाद अम्गाईको रचना तथा किरण गजमेर र अस्मिता अधिकारीको स्वरमा रहेको गीत आँखा आँखा जुधी ले निकै राम्रो चर्चा कमाएको थियो । गीतकार ध्रुव प्रसाद अम्गाईले एक पछि आर्को हिट गीतहरु लगातार स्रोता सामु पस्किरहेका छ्न् l
माया कुरा सुनिदेऊ गीतमा उनै अम्गाईको शब्दरचना रहेको छ भने कल्याण सिंहको सङ्गीत र विषम आचार्यको म्युजिक एरेञ्ज रहेको छ l उक्त गीतको भिडिओमा स्वयम् सञ्जु र सन्तोश बानियाँको अभिनय र सोनाम पाख्रीनको निर्देशन रहेको छ l जसमा बुध्द थापाले सिनेम्याटोग्राफी र भिडिओ ईडिट बिकास दाहालले गरेका छ्न् ।
