–प्रकाश बराईली ‘अभिव्यक्ति’
गत पुष २४ गते राष्ट्रिय लोक तथा दोहोरीगीत प्रतिष्ठान नेपाल, उपत्यका समन्वय नयाँ बसपार्क समितिको आयोजनामा प्रथम संस्थागत पुरुष तथा महिला ब्याडमिन्टन प्रतियोगिता २०७७ सम्पन्न भएको छ । प्रतियोगिता अञ्चल शाहीको अध्यक्षता र संस्थाका केन्द्रीय अध्यक्ष रमेश बिजीको प्रमुख आतिथ्यमा सम्पन्न भएको थियो ।
पुरुषतर्फ १२ र महिलातर्फ १४ वटा समूहले भाग लिएको सो प्रतियोगितामा पुरुषतर्फ डोलराज बारघरे र रमेश बाबु थापा मगर पहिलो, राजु ढकाल र सुवास केसी दोस्रो साथै जीवन पन्त, नीर आले मगर, कृष्ण रेउले र पिएन सापकोटा तेस्रो बिजेता बन्न सफल भएका थिए भने महिलातर्फ देबी घर्ती पहिलो, निता गुरुङ दोस्रो, सृष्टि पुन तेस्रो, सुस्मिता घर्ती बिजयी बन्न सफल भएका थिए । पुरुषतर्फका पहिलो, दोस्रो र तेस्रो विजेताहरुले कप, मेडल, प्रमाणपत्र र क्रमश: नगद रू. ३, २ र १ हजार प्राप्त गरेका थिए l यसैगरी महिलातर्फका पहिलो र दोस्रो विजेताहरुले पनि कप, मेडल र प्रमाणपत्रका साथमा क्रमश: नगद रू. १५ सय र ५ सय प्राप्त गरेका छन् l यस प्रकारको प्रतियोगिता पहिलोपटक आयोजना गरिएको र यसलाई भविष्यमा पनि निरन्तरता दिइने कुरा आयोजक संस्थाले जानकारी गराएको छ l
कार्यक्रम सचिव प्रकाश दुतराजले सञ्चालन गरेका थिए भने मिडिया संयोजकको रुपमा पत्रकार प्रकाश बराईली ‘अभिब्यक्ति’ रहेका थिए ।
