कोरोनाका कारण नेपाली चलचित्र क्षेत्र चार महिनादेखि ठप्प छ । चलचित्र क्षेत्र ठप्प रहेपनि म्युजिक भिडियोको छायाङ्कन भईरहेको छ र सार्वजनिक पनि भईरहेका छन् । चलचित्रमा चलेका केही कलाकारहरु म्युजिक भिडियोमा व्यस्त देखिएका छन् । लकडाउन खुकुलो भएसँगै अभिनेता दयाहाङ राईले केही म्युजिक भिडियोमा काम गरिसकेका छन् ।
उनी अभिनित एक म्युजिक भिडियो शुक्रबार मात्रै सार्वजनिक भएको छ । मिलन चाम्सको निर्देशनमा तयार बल्ल बल्ल भेट भो बोलको म्युजिक भिडियामा अभिनेता दयाहाङले निरञ्जली लामासँग कम्मर मर्काएका छन् । साथमा क्षितिज सुवेदीलाई भिडियोमा हेर्न सकिन्छ । दीपक शर्माको शब्द/सङ्गीत रहेको यो गीतमा दीपा लामा र तेम्बा शेर्पाले स्वर दिएका छन् । कविराज गहतराजको कोरियोग्राफीमा धुलिखेलको मनोरम दृश्यमा सुदीप बरालले भिडियोको छायाङ्कन गरेका हुन् । भिडियोलाई धु्रवराज पराजुलीले सम्पादन गरेका छन् ।
