–तुलसी गिरी ‘भावुक’
गोविन्द गिरी ‘प्रेरणा’ को शब्दरचना, नरहरि प्रेमीको सङ्गीत, विपिन आचार्यको सङ्गीत संयोजन तथा जेपी रेग्मीको स्वरमा रहेको आधुनिक गीत तिमीलाई सम्झँदै को भिडियो सार्वजनिक भएको छ l भिडियोमा काल भैरवको कोरियोग्राफी, जीवी आग्रीको निर्देशन र दया शंकर चौधरीको छायाङ्कन रहेको छ भने सम्पादन शितल लम्सालले गरेका हुन् l यसैगरी यस भिडियोमा सुशील जंग कुँवर, गिताञ्जली वलायर, अञ्जु धामी, नरेन्द्र एसके आदि कलाकारले अभिनय गरेका छन् l
गीत प्रेम समर्पण भावमा रहेको छ l गीतले कसैको यादमा विचलित भएर छटपटाएको एक प्रेमीको मनोदशा उजागर पार्ने प्रयास गरेको छ l मन मुटुमा बसिसकेकी मायालुबाट टाढा भएर एकछिन पनि बाँच्न नसक्ने अभिव्यक्तिहरु छन् गीतमा l राग भिजन मुविजको प्रस्तुतिमा रहेको यो भिडियो म्युजिक नेपाल नामक युट्युब च्यानलमा अपलोड भएको छ l
